Nxënësit e klasave të pesta dhe të teta të shkollës sonë realizuan një shëtitje mbresëlënëse edukative dhe rekreative në Shkup. Gjatë kësaj dite të pasur me aktivitete, ata vizituan fillimisht Kanjonin e Matkës, ku shijuan bukuritë natyrore dhe qetësinë që ofron ky destinacion i veçantë.
Udhëtimi vazhdoi në Kopshtin Zoologjik të Shkupit, ku nxënësit u njohën me lloje të ndryshme kafshësh dhe mësuan më shumë mbi rëndësinë e mbrojtjes së tyre. Një tjetër pikë ndalimi ishte edhe Muzeu i Shkencave të Natyrës (i njohur si Muzeu Botanik), ku ata pasuruan njohuritë e tyre rreth fosileve dhe biodiversitetit.
Për ta përmbyllur ditën në mënyrën më të mirë, nxënësit shijuan një shëtitje të lirë në Çarshinë e Vjetër të Shkupit, duke përjetuar nga afër atmosferën tradicionale dhe trashëgiminë e pasur kulturore të qytetit.
Kjo shëtitje ishte një përvojë e vlefshme që ndërthuri mrekullisht argëtimin me mësimin dhe socializimin ndërmjet nxënësve.
